Kahehia ga Kinjo Mukurino (Part 3): giku-uu kia Muchatha

Cont'n from part two.....

Ndanacemania na giku~uu maita o matanyihiire mana no ri~iiri ria Njogu riari hakuhi muno. Riambere ni riria ndateng’eretio ni T9 mugwanja ngihonoka gukua ndahamba muti wa mubariki, riakeri no hindi iyo ndahamba mubariki ucio ugikondokera gitina~ini ngigwira T9 icio ikiura ihenya tondu cionire taari mahiga ma nyuranyura maimite iguru, ria gatatu ni riria ndahurite  Sendeo muti  nginya ngiringika, ngirwo ni mutiiri wakwa ati ni thakame yacokete kiongo igathira mutwe na ni ingiakuire. Rita ria kana ni riria ndeciririe no huure kihii kingi gietagwo Kinyuru. Mayau ndahurirwo iteke  ria heke, cikiambata nginya haha ngingo, cigicuha ta njagatha cia mburi. Ndamoyagwo na tumai tuhiu ni cucu waa Gatheera gwa kahinda ga kiumia kimwe, na ikiregera ngingo ini. Muthenya wa muico niguo cucu ucio aigire ni ciaremera no akiuga ni tukuhoya tutanainuka. Ndikariganirwo ni cucu wa Gatheera tondu anjirire ati tuhinge maitho tuhoe, ndahinga we ndahingire..agikunja ngudi agikumbaciria heke ciakwa agicihihinya  oro rimwe..cigiikuruka ta mahiga maikitio na kigutha, cikigua kamuhuko~ini gacio…ruo ru~uu rwari rwa giku~uu no ngicoka muoyo.

Urugari wa mihumu ya njogu iyo thende~ini ciakwa niguo wanjukiririe kuma kuringika kuuria ndaringikite. Njogu igacoka ikeguthaguthaga nda na muti ta uria muthigari wa G4s akirangira bengi eguthaguthaga na njuguma guoko. Ndacuthiriria ngona taari saxophone yakerite hau niuria muti waari munene.  Kinjo wakwa nake athuritie akahucuka, agacoka agakuura maitho magakia ta tawa, na akaheha o ta shuba ya stoney ii firiji ku~uu kinare. Ndageria guthikiriria ciega ciakwa njigue kana ciri okuo  ngiigua niciuriire nda, ngiigua twakomaniire na Kinjo ta turi aka eeri, yaani muti nah eke ikorira nda ngatigwo o na kamuhuko kena rutumo yaani kamondo ka nyee peke yake. Riu ni ndeciririe uhoro wakwa na mwathani, na uria ngukua ngiika mukurino na ndarama ihau mbere, ngimenya haha ninditetere. Ngiona here mehia no ngiuga prima-facie evidence no ikanjikia riiko tondu ri..ngorio atiri ni mwathani ciira~ini:

Mwathani: Kamau Muchatha”

Njitikie: Ndi haha mwathani

Mwathani: Ndirona ta urakuire wi njaga ukomeire mukurino na nginya wina kihembe hau…Nikii mwi njaga

Njitikie: reke thiire murango uuria mwari~ii.. wi wama na wa kihoto.

Muchatha na Kinjo maikio icua~ini. Ngimenya haha no nginya ndibange.Onakorwo ni ngukua ngue ndi thuruari. Ngiciria kana  ngurume nyingire rungu rwa njogu iyo nyanjie kumihura Kawasaki na mooko  nginya iite niguo yumirie, no ngiyuria ii inginjira …wihugure  nguitiririe..ngitigira. Ngicirie kana nyumirie ihenya, no ngi~iguira Kijo than a ngiririkana gathee kangi kanjirite ungikona njogu witue wi muku~uu ndingikuhura…ngiona iyo ti option. Mutwe wakwa already niwanjitie gutura nimeciria kuingiha. Ngiona kana hihi njoe ndarama nyanjie kumihuura niguo njogu yuure, ngigeria guikia maitho nyone haria ndarama yaari..ngiona I rungu rwa njogu…ngithira hinya. Ngui cia itura riu ona cia woshimani wa thukuru ucio wa kinare ciaririte ta thi irathira. Imwe yarira mwena uyu, ingi ikamukiria murimo uuria ungi. Igacoka ikarira na tha biu, ngaigua ta twi macakaya maitu. Ngikinya handu ngianjia nginya kuigua andu magithoma rugano rwakwa. Hakinya ha title ya : Gukua gwake: andu oothe makaiga “woiiii”..tondu muthomi wa rugano akiugire “marangirwo ni njogu me mahoya na Kinjo tondu nginya haari na ndarama”. Ndacuthiriria Kinjo nake no akurite maitho..nginya ndahihahgia wega. Agacoka akomagara biu. Ngimenya baas. Njogu nayo no yehuraga Kawasaki na kuguthithia muti nda yayo, ndona uguo mata makiuma kanua.

Mwathani ni wa matha maingi tondu riu riria twakinyire maono~ini makwa ma mathiko mwaria wa thirikari etwo arie augire atiri: “Nie njitagwo Kimani na ndi ranger KWS. Ni ndaiga ni poore ni giku~uu kia Muchatha na Kinjo na thirikari ni ikuona uria iguteithiriria family ciao.No ngimutaaara~ri, andu aitu niundu woria njogu cingihite, ungigakorererwo niyo, etha kihuti kana gitangari uikie iniuru~ini riayo, kana kimbu (chameleon)  na njogu iyo ikora ihenya inene muno na uhonokie muoyo waku.” Mwathani aromahurukia kundu kwega kuri……..” nyenyenyenyenye onandiathikiri~irie kuuria endaga tukahuruke kana kwi ngi kana gutiri hiti. Nindaiguite haria ndendaga kuigua…kuharukia gitangari. Ngigarura  orimwe ngicomora Kinjo gathurwari gake kau gakwamite kuguru~ini gwake…ngiharukia njogu~iria iniuru~ini riayo nginya gwoko gugithirira thiinii ngicomora ngimirorera. Wambere muti wayo ugocoka thii~ini ta uria wakwa wori~ire, heke ciayo iki~inaina, ..igicoka ikioya iniuru riayo naiguru…ikianjia gucoka nathutha…ikiumiria ihenya itari ndona. Yageragia kuhuha thurwari iyo yume, kihuuni kiayo gikagamba ta kia mundu ureruta kuhuha kihuuni na kanua nikomire mata. Yora biu~ri..ngiigua Kinjo nianjia kuhiuha mwiri, na akianjia kuhambata ng’ong’o akinjira

“ Gutiri mundu murume kahii. Niwageria njamba” akengete magego ta rumbwa rwanyua iriia. Ngimuuria..”ngwonete ta ugukwite ndamaka muno” Agicokia..”kai muchatha wi mukigu atia..mwarimu witu atwirire waona Njogu uka~act dead” na uguo niguo ngwikite” Ngimwira “ngomeno kai waigua mundu a~act dead kaari nginya ukuure maitho na uhehe” akinjira “ kai andu aku~uu makoragwo mari ahiu njeege ino? Ta huura muti urikiririe na utige ciuria cia cibu”

Ngiukia..na ndiamenyire nikii… ngwiciria niuria mukurino aragia dirty!

hehehe