Muchatha Thigonji

Muchatha arikia nathari~ri, atwarirwo cukuru wa kamira ndigithu primary school krass wanu. Niakenire muno tondu gutiri kindu endete ta guthii wanu anyuage karia ka nyayo na gukua mondo kana bagi nahaha ng’ong’o agithii cukuru. Uria itoi ni ati, tiga kuheo iria~ri, andu kuu primary matiheagwo ucuru ta uria twaheagwo ni mwarimu nanise (Nancy) kuuria nathari. Ningi, ati andu nimahurugwa ngome, mitari na thende mundu aremwo ni gwika mathabu wega. No atiriri, kai ingiakimenyire atia itathiite cukuru ngeyonere?

Kwari muthenya wa gatatu, muthee wakwa (Ngai aromuhurukia thaayu), andwarire  anguite na maithikiri ha bundi mutia ngatumirwo kinyatha na shati ya yunifomu yakwa ya thukuru. Akira mutia ati~ri “Mutia, ta tumira mubuu uyu thurwari neene igukinya haha maru~ini tondu no arakura naari agikinye nayo krass boo (four)”. Mutia nake niguo ekire, na ta mabundi ma nguo maria mangi~ri, akira baba..”thii ukagira Ruciu thaa inyanya” Muthee akiuga niwega. Gucoka na mucii ~ri kwari kamuikuruko, ugwo baba ndacocerire gaikia nginya tugikinya.

Twonana na Kihii kingi kiari krass two hwa~ini ucio~ri, gikinjira atiri..”muchatha, niuramenya akorwo ukaingira thukuru oke ukaingira kirathi kia Mr. Njoroge ma na niguo ahuranaga?” Ngimenya baas..muchatha niathira. Ngimaka muno ngimuria..:kai kirathi kia Mrs. Kamau gikiihuru?” Gikinjira..”Mrs Kamau endaga airitu pekee. Niwathira” Mucatha ona Atari na mathugumo magiuka. Heke nacio ikiurira naku~uu nda. Nayo ngoro yakwa ikianjia kuhura narua. Orimwe ngiigua ningi ta thiurura ukunyita, ngian jia guthigina nginya wakandu. Nakio kihii giki kiona uria hingicikire~ri, gigitumura kanua gikiuga..”ndukamake ningukuhe thiri na ndukahurwo tene na tene” Ngiigua thayu wacoka, nah eke igiikuruka kamuhuko~ini gacio. Mathugumo namo makiuriria na thiurura ugithire, uthiu naguo ugikenga ota wa mwana..Ngimuuria..”wooi njira tu” Gikiuga “nawe no nginya uhe kagi karia gaku ka biu (yaani ga~tennis ball). Ngimwira hatiri mbaaara.

“Muchatha, githi ndu~ii mai ma ndigiri ni mithaiga?” Ngikuura maitho Jemithi anjia kung’anira styro ya kurega kuhurwo. “Ungieda Mr. Njoroge ndakanakuhure, thie urogote mai ma toto yanyu wikire muhuko, ooo thigonji imwe muhuko wa nguo ciaku na igiri wiikie mondo~ini ya mabuku maku na umenye nonginya makorwo me ma~ira “ Ngimenya baas muchatha niehotanira. Ndainuka~ri, muchatha agithi~ii moja kwa moja nginya haria toto itu yohagwo. Ngirogota mibibi kadhaa na ngiikia kamunyore~ini, kwihariria uria muthenya uyu ungi ngaroka kumaikia modo~ini..na thutha ucio kinyatha~ini ndoya ha mutia.

Gwakia~ri ngihura thigonji iria muhuko. Ngiroka kirathi. O ta uria Jemithi anjirite~ri, Mr Njoroge ambire gutuhurira noise maker. Akiuga kuu ti nathari., na kwaria ma tutianegenaga. Ngimenya ni tondu itaikitie mubibi muhuko~ini wa shirt yakwa. Ngicomora mubibi waari bag~ini ngiwiikia muhuko wa chati. Mwarimu nake akianjia kwinyita iniuru. Akiuga ati~ri..”he mundu guku wimiriire..na ngwenda oo mundu anungire mwenzake..nginya tumenye nuu”. Ndaari deski ya mwisho…na twaikarite na kiiritu gietagwo Nduta. Ndiamenyaga nikii giatumaga arimu a primary meere mundu nonginya maikarire ndeski na muiritu. Nduta ngimunungira, ndaari na kindu. No nindamenyaga muchatha no arithira. “Rugama muchatha na wambe moko” Nduta gikinjira. Ngianjia guthigina naguku wakandu. Nyee nacio ningi icio..chup!..ikiurira, ngitigwo na kamuhuko pekee.

“Mwarimu ni hiki kihii kiko na thigonji ya funda kwa mufuko” Nduta akianirira na mugambo munene. “Hata kwa modo yake iko”. Mwarimu akirugama agiuka o haaria ndaari. Akinjuria.”ii kihii giki kai ukamaga na ndigiri?” Ngitetera..ndirathire kuoha fuda utuku iramirira mwarimu..” andu oothe magitheka. Riu ngirwo ndurie maru nginya ngengere ya ranji ihurwo. Kai muchatha  niguo akionire uuru~ii. Kumanagia na hindi iyo~ri, Mr Njoroge aingiraga kirathi akoiga..”Muchatha thigoji hura brakibodi”..”muchatha thigonji thii ungirire coka”. Nginyanagia na umuthi hari ma~krassmate makwa ma tene manjitaga thigonji.

Onawe wanjita thigonji ..onawe wiyo..hehehe