Kahehia ga Kinjo Mukurino na Ndarama

Kinjo agicomoka haaria kinare akuite kinuthu gia ngunia ya karati na ng'ong'o. Ahumukaga akahuha kahuni na maniuru, nayo mihumu yake niudu wa heho ikaruta ndoogo ta mituriru ya bujoti nguru. Niundu wa uria murigo ucio wagucitie kamugutho gake~ri, kahehia gake kaimbiri~ire tari ngundi gakunjite. Gagacoka gagetandaiya kahinguritie iromo, hakoneka ta kanua ka ngu~uu (hippo) kana ka raira* arakaire agatembania iromo, kana ihungu ria ngamira (camel toe). “muchatha njaura murigo uyu mayau ndigugiatuka mugongo?” Ni~ii ndiaguire handu hangi otiga ritwa “murigo”, nayo mbiruri ikihanda, o ta ya mumo.

“Mangai kai wakigiire tuthede atia Kinjo?” Ngiuria Njoki na gathauti ta kanyoka cia mugunda wa edeni. Uria Njoki atanyitire ni ati, nikuri thende (yaani matina) na nikuri tuthende (yaani turomo tutu tukoragwo tuimbiirie haha wengenye~ini na njira ingi no utuite iromo cia kahehia). “Maya makwa na nigwo manogire ni kumiria karati kinare mayau~ri, wamendera ki?” Kinjo gikiuga gigithuguaga thende ciake nyumu ta cia njogu. To kuuma thende ciake ciomite tu, ni cigacoka cikahang’arara ta honge cia muti wa mwenyere, na guthukia muno igakorwo itaiganaine, yaani giatu kimwe gia thende gigakorwo ni kihinju gukira kiu kingi. Ngwiciria ni wa itina ria umotho (as in nginya matina make ni mari preference ta mooko (left kana right hand{ass}) tondu ria mwena wa urio rionekaga ri riororo  gukira ria umotho. Akorwo ti uguo~ri, niende guikarira mahiga muno athii kuna ngu, na aikaragira na riomotho. Korwo ni thende iriagwo, cia Kinjo angithiaga githinjiro ndaguriti, ithe agocoka nake athinji mamuregete ta uria maregaga ng’ombe irathua, ni gucong’iha.

“Nduta murigo nawe tiga thuti! Na wi mukio muuru muno muchatha” Kinjo gikiguthuka na mugambo wa muka mukuru kianyitukia njuthiriirie kahehia gake, mubuto wakwa naguo ukuhihite nikuoywo na iguri ni mbiruri oo inji itanyihiire mugwanja uki~iganana na wa Maiko Jackishoni uria waciarirwo e mundu muiru agikua e mu~sherisheri. “Wigarure nawe ngwaure kai mukio wakwa urakuria njira? Ningi kwanja wiriga gwikwo ri kuuma woha maremba maya? Nduke ngunogore mahindi Kinjo na utigage gwitua nduiguaga kaundu waririkana uria twakurumanitie nawe haaria praimari~ini tiga ni thuraku cia turiire tungiararire tugikana!” Ngicokia njagite thoni ta muruithia.

Kinjo kuigua uguo~ri agitheka oo ta kariko, eng’aureire ta ciumiri cia thiga kana ciehura mbiro. Nyondo ciake nacio atheka cigaki~inaina ota cia muini uria witagwo Chakira uria wainire karwimbo karia ka waodikap tahuthi afrika getagwo “Amina Amina eeh eeh weka weka itumbi~eeh eeh, Amina Amina usicherewe, Amina wakwa!” Ngiukia keeri, rita riri heke igicuha hanini, kuonania nginya ingiahutirio ni kawandawira njigue thithi, no guitukwo. Nake ona uguo muti waimbiri~ire ri, akianjia guthigina..ngimenya baas….Kinjo mukurino, niatubirwo ni muchatha.

Hwa~ini waikarire muno utakinyiite, niria mathaa mathiaga kahora. Heho nayo ya kinare nditigagia nginya tuthee nikwaga tha. Ungithie kinare gugikinya thaa imwe tiga anake na Njogu (elephants), gutikoragwo na andu barabara.~ini. Ngikira kagoti na ngikua rwa njora na tochi, angarau njogu yakiumira ignore ngienja githima kia Kinjo, ngimimurike yuure. Twacemanagia hau praimari~ini , oharia ndamwiki~ire ria mbere, karigu kanini na atanakuwa arume angi aingi mokire thutha wakwa. Ndaririkana uguo~ri, ngokia ndageria guthuguma ngaremwo. Ndari haut a ndagika ikumi b4 tucemanie. Orimwe ngiigua mugambo wa ndarama ikihurwo, styro ya gikurino ii haraya. Mugambo naguo wathiaga ugikuhagiriria, oo ndaikaranga ngaigua no guuka uroka.  Wakuhiriria muno~ri, ngifrashi gatosi, ii ndigagikorwo ni ithu cingorire. Mundu wakwa agitana..”muchatha”…baas..ngimenya eitha aigire athii kecha kana oka na ndarama niguo athiture njogu (handu ha gukuua irebe)..hehehe

Ndamukisi~ri, ahehete iromo ta ibati, ngitika.No ndaikia guoko haha kahehia~ini gake~ri, kahiuhite ta njiko ya makara ma mutarakwa. Ngiimenya ti mbarafu ngwedaga, ni karugari. Ngimutunya ndarama ngimiguithania haut hi..pungurum!. Ngimuhura kata hwa!, ngimuoya gikuo kia mafiriri naiguru hubu,Ngigucia githurwari kia Raymond ekirite chupwi, nake agicomora kaguru kamwe, gagitigwo karengerete iru~ini ria kuguru ku~uu kungi, gukinunga kahehia, mbiruri yakwa nayo ikigamba ta njogoo ikihoya mwera..kokooooooo!. Ngimugwira na nda, nyonereirie mbiruri kuo ku!...akiuga..Ameni muriu wa nyina wa Kamau…..

To be continued tomorrow…..